2010年8月10日 星期二

新假期 - 再三回味"桃花源"

新假期 - 再三回味"桃花源"


我幾時都講,一間餐廳,無論誰是老闆,邊位大明星開的都好,又或者這間餐廳用什麼特別概念開的也是,食物質素始終是一間餐廳的靈魂,只要食物水準保持得好的話,自然便能經得起時間的考驗,成功創造出自己的品牌,成為經典!

"
桃花源"她在2000開幕時,我們已經慕名前去品嚐,因為老闆兼大廚黎有甜,人稱甜叔,便是以前在恆生頂樓餐廳服務超過三十年的大廚,專門招待老闆級及各路貴賓,他的廚藝早已聞名行內外,所以當時知道他在上環蘇杭街開鋪時,都雀躍地跑去一嚐風味,甚至當外地有朋友來的時候,想他們可以一嚐有代表性及有水準的粵菜時,我都會帶他們到"桃花源",因為我知道他們一定會滿意.

轉眼十年過去了,"桃花源"不單已成功地建立了自己的品牌,亦於07年澳門葡京開設分店,更於今年6月由蘇杭街搬往隔離的文咸東街擴充營業,面積比以前更寬敞闊落,分樓上樓下兩層,還有多間靈活變動的貴賓室,設計更比以前精緻漂亮!

新鋪開張又適逢有老朋友生日,於是上星期便專程去捧甜叔,食物水準依然令一眾賓客讚口不絕!今期就同大家一起分享...




1:蝦子炆柚皮  -- 柚皮鬆軟幼細,蝦子湯汁香濃惹味.


 



2:冰鎮鵝肉卷 -- 將滷過的鵝肉切條,用腐皮包好再煙燻,凍食,出奇地沒有半點油膩的感覺,反而滿口濃郁芳香的煙燻味道撲鼻而至,鵝肉香酥軟滑,前菜必食.


 



3:醬油滷豆腐 -- 豆腐炸過,配以私房滷水,我自己都可以食一客.



4:招牌名菜:玻璃明蝦球 -- 連蝦""都去埋,晶瑩爽滑,口感鮮嫩,百吃不厭.



5:蛋白蒸原隻蟹鉗 -- 必試菜色之一,原隻鮮拆蟹鉗的鮮味盡在晶瑩滑溜的蛋白裡面,滿口幸福與滿足,三個字:無得彈!

 



6:鮮蓮冬瓜盅  -- 夏日消暑的最佳湯水




7:鳳梨咕嚕肉 -- 甜叔的拿手菜,也是必食招牌菜之一,亦是我外國朋友的至愛.


 




8:頭抽豉油雞 -- 用上頭抽及秘製滷汁滷製,,,,有雞味,不太咸,尤其那碟薑蔥,與這隻豉油雞簡直是絕配.


 


 


9:沙爹牛肉炒腸粉 -- 香滑惹味,是完美的"單尾"!

 


沒有留言:

張貼留言