-美女廚房!食完又講!
今次輪到Karen煮啦
上兩期同大家介紹過的廚房美女Karen大家還有印象吧!其實我們幾位包括之前也介紹過的Akira及Ocean,我們經常都會在Facebook裡互相交流烹飪心得。但之前大家一直都只局限於在Facebook的電腦版面上,正是"有得睇,無得食"...直至以Akira首次發起的"在勵德邨飄起的炊煙"真正有得食計劃,大家才得以衝出網絡的虛擬世界,可以走入各人的真實廚房,親口品嚐大家在"動態"上常常發表,令人垂唾欲滴圖片裡的菜色。我們輪流在各人家裏的廚房,施展渾身解數,將最耍家的招牌菜色放上飯檯,與大家分享,感覺實在而滿足!
我最鍾意入人地廚房度睇下
好多花膠喎，食咁多，唔怪得之咁靚啦！
好有條理喎，我請客都係咁o架
上星期輪到Karen,吃完之後我忍不住一定要同大家分享一下,唔好意思,雖然大家"無得食",但大家可以從以下圖片想像及體會一下,一位非職業廚師,僅以業餘烹飪愛好者的身份來說,能煮出這樣一桌佳餚,就算職業廚師看了,也應該為之汗顏。雖然在技巧上、口味上還有很多改進的空間,但Karen對烹飪的那種熱誠,創意及大膽的嘗試,的確值得很多同業學習!
當晚菜單
“炊烟”新成員，名攝影師Johnny Han
等食前大合照
等食…
食得喇…
酒香五花腩：
用菊花、白滷水、玫瑰露、紹酒、八角滷制，睇落肥，但食落又唔膩，鬆軟滑溜，味道甘香。
蠔仔配金不換莎莎醬：
日本新鮮蠔仔，配以蕃茄、洋蔥、金不換、橄欖油、茄膏、胡椒、沙糖做成的莎莎醬，好新鮮、惹味、醒胃！
南瓜帶子蛋白羹：
將預先燉好的蛋白放入碗內，然後加入有鮮帶子的南瓜湯，連同滑溜的蛋白一起食用，香、濃、滑、鮮味十足，健康又有益。
菊花煙燻魚： 魚腩先去骨，用花椒、薑粉、蜜糖醃製2日，再用菊花、黃糖、米、甘蔗燻熟，麻香四溢，鮮嫩味美。 再配上用菊花、魚露做成的醬汁，更加美味。 用焗爐將日本蕃薯及芋頭片烘香，用o黎裝備用，真係好專業喎 好投入喎 
沒有留言:
張貼留言